छात्रवृत्ति दिलाइदिन्छु भन्दै ८ लाख ठगी, सिरहाका मण्डल पक्राउ
काठमाडौं : छात्रवृत्ति दिलाइदिन्छु भन्दै ८ लाख रूपैयाँ ठगी गरेको आरोपमा प्रहरीले एक युवकलाई पक्राउ गरेको छ।
पक्राउ पर्नेमा सिरहा कल्याणपुर नगरपालिका–१० घर भई काठमाडौं बानेश्वर बस्ने २७ वर्षीय सन्तोष मण्डल रहेका छन्। उनलाई शुक्रबार दिउँसो प्रहरीले पक्राउ गरेको हो।
इन्डो ग्लोबल कन्सलटेन्सी बागबजारको सञ्चालक हुँ भन्दै भारतमा छात्रवृत्तिमा इन्जिनियरिङ शिक्षाको लागि दिल्ली टेक्नोलोजीकल युनिभर्सिटिमा भर्ना गराइदिन्छु भन्दै पीडितबाट नगद लिएर ठगी गरेको खुल्न आएपछि मण्डललाई प्रहरीले पक्राउ गरेको हो।
उनलाई आवश्यक अनुसन्धान तथा कारबाहीका लागि जिल्ला प्रहरी परिसर टेकु पठाइएको छ।
पुष २५, २०७९ सोमबार १४:१४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
