रोकेर राखेको टिपरमा दुईटा मोटरसाइकल ठोकिँदा दुई जनाको मृत्यु
सप्तरी: जिल्लाको खडक नगरपालिका- ११ मा रोकेर राखेको टिपरको पछाडि गए राति दुई वटा मोटरसाइकल ठोकिँदा दुई जनाको मृत्यु भएको छ। सोही दुर्घटनामा एक जना भने गम्भीर घाइते भएका छन्।
स१ख ९२८ नम्बरको बिग्रिएर रोकेर राखेको टिपरको पछाडि बोदेबर्साइनबाट राजविराजतर्फ जाँदै गरेको बा८९प ३२१५ र प्रदेश१-०२-०४४प ८६१९ नम्बरको मोटरसाइकल गए राति पौने २ बजे ठोकिएका थिए।
मोटरसाइकलमा सवार दुई जनाको घटनास्थलमै मृत्यु भएको ईलाका प्रहरी कार्यालय कल्याणपुरले जानकारी दिएको छ। घाइते भएका अन्दाजी २४ वर्षीय पुरुषलाई भने उपचारको लागि गजेन्द्रनारायण सिंह अस्पताल राजविराज सप्तरी पठाइएको छ।
मृतक र घाइतेको पहिचान खुल्न बाँकी छ।
पुष २४, २०७९ आइतबार ०९:२०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
