एमालेका नवनिर्वाचित सांसद्लाई आज ओलीले प्रशिक्षण दिने
काठमाडौं : एमालेले नवनिर्वाचित सांसद्हरूलाई प्रशिक्षण दिने भएको छ।
शनिबार दिउँसो संघीय संसद भवनको ल्होत्से हलमा दिउँसो १ बजे एमालेका नवनिर्वाचित सांसद्हरूलाई प्रशिक्षण दिने संसदीय विभाग प्रमुख डा. शिवमाया तुम्बाहाङफेले जानकारी दिइन्।
एमालेले नेपालमा संसदीय प्रक्रिया तथा कानून तर्जुमा विषयक अभिमुखिकरण सञ्चालन गर्न लागेको हो। उनका अनुसार पार्टी अध्यक्ष एवम् संसदीय दलका नेता केपी शर्मा ओलीले निर्देशनात्मक प्रशिक्षण एवं सम्बोधन गर्नेछन्।
एमालेमा प्रत्यक्ष चुनावबाट ४४ जना र समानुपातिकबाट ३४ जना गरी ७८ जना प्रतिनिधिसभा सदस्य निर्वाचित भएका थिए। एक जना स्वतन्त्र सांसद् एमालेमा प्रवेश गरेपछि ७९ जना पुगेका छन्।
पुष २३, २०७९ शनिबार १०:५२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
