पाेखरामा गुडिरहेको ट्याक्टरबाट खसेर १ युवकको मृत्यु
१ वर्ष अघि
पोखरा : कास्कीको पोखरा महानगरपालिका–२७ मा हिजो बेलुकी गुडिरहेको ट्याक्टरबाट खसेर १ युवकको मृत्यु भएको छ।
मृत्यु हुनेमा स्थानीय २९ वर्षीय दिपक परियार रहेका छन्। ढुङ्गा बोकेको ग १ त ५२९२ नम्बरको ट्याक्टरबाट हिजो बेलुकी साढे ७ बजे खसेर परियार गम्भीर घाइते भएका थिए।
घाइते उनको उपचारको क्रममा पश्चिम क्षेत्रीय अस्पतालमा हिजो बेलुकी ८ बजे मृत्यु भएको हो। ट्याक्टर सहित चालकलाई ईलाका प्रहरी कार्यालय शिशुवाले नियन्त्रणमा लिएको छ।
पुष २२, २०७९ शुक्रबार १०:०७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
