राहदानी विभागकाे सिस्टम ठिक हुन समय लाग्ने, तत्काल राहदानी लिन नआउन आग्रह
काठमाडाैंः सिस्टममा खराबी आएकाे कारण राहदानी सम्बन्धी सेवा र वितरणकाे काम रोकिएको राहदानी विभागले जनाएको छ। विभागको सिस्टममा समस्या आउँदा मंगलबारदेखि आवेदनको अवस्था हेर्ने र वितरण गर्ने कार्य अवरुद्ध भएको हाे।
विभागका निर्देशक दुरपदा सापकोटाका अनुसार सिस्टम पूर्णरुपमा नियमित हुन केही समय लाग्नेछ। त्यसैले, अर्को सूचना जारी नहुँदासम्म राहदानी लिन नआउन विभागले आग्रह समेत गरेको छ।
नियमित रुपमा रहदानी आवेदनका लागि ‘एपोइन्टमेन्ट’ मिति लिइसकेका सेवाग्राहीलाई भने तोकिएको मितिमा नै विभागमा उपस्थित हुन आग्रह गरेको छ ।
पुष १९, २०७९ मंगलबार १६:५८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
