शीर्ष चारमा पुग्ने लिभरपुलको योजनामा ब्रेन्टफोर्ड बाधक, ३–१ गोलले पराजित
काठमाडौं : ब्रेन्टफोर्डसँग ३–१ गोलअन्तरले पराजित भएसँगै इंग्लिस प्रिमियर लिगको शीर्ष चारमा प्रवेश गर्ने लिभरपुलको योजना तत्कालका लागि असफल रह्यो।
यो सिजनको लिगमा २३ अंक गुमाइसकेको लिभरपुल कम्युनिटी स्टेडियममा भएको खेलमा पहिलो हाफमा ब्रेन्टफोर्डसँग दुई गोलले पछि पर्यो।
इब्राहिम कोनाटेले आत्मघाती गोल गर्दा योने विसाले दोस्रो गोल थपे।
एलेक्स अक्सलेड–च्याम्बरलिनले लिभरपुलका लागि एक गोल फर्काए पनि ब्रायन एमबेमोले ब्रेन्टफोर्डका लागि तेस्रो गोल थपे।
लिभरपुल २८ अंकसहित छैटौं स्थानमा रह्यो। ब्रेन्फोर्डले भने आफ्नो स्थिति सुधार गर्दै २६ अंकसहित सातौं स्थानमा उक्लेको छ।
पुष १९, २०७९ मंगलबार ०८:०३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
