नेपाल टी-ट्वान्टी लिगः फार वेस्टलाई हराउँदै जनकपुर प्लेअफ नजिक
काठमाडाैं। फार वेस्ट युनाइटेडलाई ८२ रनकाे फराकिलाे अन्तरले हराउँदै जनकपुर रोयल्स नेपाल टी-ट्वान्टी लिगकाे प्लेअफ नजिक पुगेको छ। लिगमा जनकपुरकाे याे पाँचाैं जित हाे। पाँचाैं हारपछि फार वेस्टको भने प्लेअफकाे सम्भावना कठिन बनेको छ।
जितको लागि १६२ रनको विजयी लक्ष्य पछ्याएको फार वेस्ट युनाइटेडले निकै खराब ब्याटिङ गर्दा १५.१ ओभरमा मात्र ७९ रनमा अल आउट भयो। फार वेस्टका लागि हश्मातुल्लाह शाहिदीले सर्वाधिक ३२ रन जाेड्दा अन्य कुनै पनि व्याटर मैदानमा टिक्न सकेनन्।
बलिङतर्फ जनकपुरका समिउल्लाह शिनवारीले ३ ओभरमा १६ रन खर्चेर ३ विकेट लिएका थिए।
यसअघि टियु क्रिकेट मैदानमा टस हारेर पहिले ब्याटिङ गरेकाे जनकपुरले निर्धारित २० ओभरमा ७ विकेट गुमाउँदै १६१ रन बनाएकाे थियाे। जसका लागि सन्दीप जोराले ३२ बलमा १ चौका र ५ छक्कासहित सर्वाधिक ५५ रनको योगदान दिए।
याे जितपछि जनकपुर ७ खेलमा १० अंकका साथ दोस्रो स्थानमा छ। फार वेस्ट युनाइटेड ६ खेलमा ५ हारेपछि लिगकाे अन्तिममा छ।
पुष १८, २०७९ सोमबार २०:३४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
