सिन्धुपाल्चाेकमा तीन जनामाथि खुकुरी प्रहार हुँदा एक जनाकाे मृत्यु, ३० वर्षीय युवक पक्राउ
सिन्धुपाल्चोक : खुकुरी प्रहार गरी हत्या गरेको अभियोगमा प्रहरीले एक जनलाई पक्राउ गरेकाे छ।
पाँचपोखरी थाङपाल गाउँपालिका-६ धाप बस्ने ७४ वर्षीय मुक्तिनाथ पौडेलको खुकुरी प्रहार गरी हत्या गरेको आराेपमा साेही ठाउँ बस्ने ३० वर्षीय राजाराम रायमाझीलाई शनिबार दिउँसो प्रहरीले पक्राउ गरेको हाे।
मुक्तिनाथसहित ३ जनालाई राजारामले शनिबार दिउँसो खुकुरी प्रहार गर्दा घाइते भएकाेमा तिपेनी अस्पताल हुँदै थप उपचारको लागि अन्नपूर्ण न्यूरो अस्पताल बबरमहल काठमाडौं पठाएकोमा उपचारको क्रममा सोमबार बिहान मुक्तिनाथको मृत्यु भएकाे ईलाका प्रहरी कार्यालय मेलम्चीले जानकारी दिए।
घाइते भएका अन्य २ जनाको अन्नपूर्ण न्यूरो अस्पतालमा उपचार भइरहेको छ। यस सम्बन्धमा प्रहरीले थप अनुसन्धान गरिरहेको छ।
पुष १८, २०७९ सोमबार १२:५०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
