दुईवटा साइकल ठोकिँदा सडकमा पछारिइन् युवती, ट्याक्टरले किचेर मृत्यु
१ वर्ष अघि
सुनसरी : जिल्लाको बराहक्षेत्रमा ट्याक्टरले किचेर एक युवतीको मृत्यु भएको छ।
मृत्यु हुनेमा बराहक्षेत्र नगरपालिका–१० की २१ वर्षीया सोल्जा ठाकुर रहेकी छिन्।
आइतबार बेलुकी ७ बजे दुई ओटा साइकल आपसमा ठोकिदा विपरीत दिशाबाट आउँदै गरेको को १ त ४३७८ नम्बरको ट्याक्टरले किच्दा सोल्जा गम्भीर घाइते भएकी थिइन्।
घाइते उनको उपचारको क्रममा विराट नर्सिङ अस्पताल विराटनगरमा मृत्यु भएको हो। ट्याक्टर चालकसहित अर्का साइकल चालकलाई प्रहरी चौकी मधुवनले नियन्त्रणमा लिएको छ।
पुष १८, २०७९ सोमबार ०९:२०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
