नेपाल टी-ट्वान्टी लिगः काठमाडौंले जनकपुरलाई ९० रनले हरायो

काठमाडाैंः नेपाल टी-ट्वान्टी लिगमा काठमाडौं नाइट्सले जनकपुर रोयल्सलाई ९० रनको फराकिलो अन्तरले पराजित गरेकाे छ। लिगमा याे तेस्राे जितसँगै काठमाडाैंले प्ले अफकाे सम्भावना बलियाे बनायाे।

कीर्तिपुरस्थित त्रिवि क्रिकेट मैदानमा आज भएको खेलमा काठमाडौंले दिएको १८१ रनको विजय लक्ष्य पछाएको जनकपुर १९.१ ओभरमा ९० रनमा नै अल आउट भयाे। जनकपुरकाे इनिङ ध्वस्त पार्न अभिनास बोहोरा एक्लैले मात्र १३ रन दिएर ४ विकेट लिए। जनकपुरका लागि अरफुदिन असरफले सर्वाधिक ३३ रनको योगदान दिएका थिए।

त्यसअघि टस हारेर पहिले व्याटिङको निम्तो पाएको काठमाडाैंले निर्धारित २० ओभरमा ६ विकेट गुमाउँदै  १८० रनको योगफाल बनाएको थियो। काठमाडौंका लागि सुनाम गौतमले सर्वाधिक ६२ रनको योगदान दिएका थिए। त्यस्तै रायन बर्लले ६१ रन जोडे।

लिगमा पाँच खेलपछि काठमाडौं तीन जितसँगै ६ अंकका साथ तालिकाको तेस्रो स्थानमा रहेको छ। त्यसैगरी, ६ खेल खेलेको जनकपुर चार खेलमा जित हात पार्दै आठ अंकसहित दोस्रो स्थानमा छ।

पुष १७, २०७९ आइतबार १५:५६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।