एपीएफ आहा रारा गोल्डकपको सेमिफाइनलमा
पोखरा : सशस्त्र प्रहरीको एपीएफ क्लब पोखरामा जारी २२औं संस्करणको आहा रारा गोल्डकपको सेमिफाइनलमा प्रवेश गरेको छ।
शनिबार पोखरा रंगशालामा भएको पहिलो क्वाटरफाइनल खेलमा साविक विजेता एपीएफले धरान फुटबल क्लबलाई २–० गोलले हराउँदै सेमिफाइनल प्रवेश गरेको हो।
खेलमा एपीएफका तर्फबाट पहिलो हाफको ३६ र ३९औं मिनेटमा क्रमशः बिकु तामाङ र युवराज खड्काले गोल गरे।
खेलको दोस्रो हाफमा खेल सुधार्दै एपीएफलाई दबाबमा राखे पनि धरानले गोल भने गर्न सकेन। पटकपटक पाएका अवसरलाई सदुपयोग गर्न नसक्दा धरानको सेमीफाइनल प्रवेश गर्ने सपना अधुरै रह्यो।
०७४ मा धरान सेमिफाइनलमा नेपाल पुलिससँग १–० ले पराजित भएको थियो। अहिलेसम्मका आहा रारा कपमा एपीएफ र धरान तेस्रो पटकसँगै भिडेका हुन्।
पुष १६, २०७९ शनिबार १९:२१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
