ऋषभ पन्त घाइते भएपछि उर्वशीले गरेकाे इस्टाग्राम पोस्ट भाइरल

एजेन्सी : भारतीय क्रिकेटर ऋषभ पन्तको दुर्घटनाको खबरले उनका फ्यानहरूलाई स्तब्ध बनाएको छ।

शुक्रबार बिहान ऋषभ पन्तको कार दुर्घटना भएको खबर आयो र कारको तस्बिर देखेर धेरै फ्यान आत्तिए।

वास्तवमा उनको कार डिभाइडरमा ठोक्किपछि आगलागी भएको थियो। दुर्घटनापछि अस्पताल भर्ना भएका उनको सबै फ्यानले शीघ्र स्वास्थ्यलाभको कामना गरेका छन्।

ऋषभ पन्तको दुर्घटनाको खबरका बीच अभिनेत्री उर्वशी रौटेलाले सामाजिक सञ्जालमा एक पोस्ट शेयर गरेकी छन् जसले धेरैको ध्यान तानेको छ। ऋषभ र उर्वशीको प्रेमसम्बन्धको चर्चा लामो समयदेखि चलिरहेको छ।

उर्वशीले शुक्रबार आफ्नो इन्स्टाग्रामबाट आफ्नो तस्बिर शेयर गर्दै लेखेकी छन्, ‘म प्रार्थना गर्दैछु।’ यद्यपि उनले ऋषभ पन्तको नाम भन कतै पनि मेन्सन गरेकी छैनन्।

उर्वशीको यो पोस्टपछि सामािजक सञ्जाल प्रयोगकर्ताले मिश्रित प्रतिक्रिया आएको छ। पोस्टमा अधिकांश कमेन्ट ऋषभ पन्तका लागि प्रार्थना गरिरहेको लेखेका छन्।

कसैले ऋषभ पन्तलाई भेट्न सुझाएका छन् भने कतिले प्रेमको तारिफ गरेका छन्। अर्काथरीले भने उनको श्रृंगारको विषयलाई लिएर कमेन्ट गरेका छन्।

एक प्रयोगकर्ताले लेखेका छन्, ‘ऋषभ पन्त दुर्घटनामा परेका छन्। यी महिलाले सोह्र श्रृंगार गरिरहेकी छिन्।’

अर्का एक प्रयोगकर्ता लेख्छन्, ‘भाउजु कृपया दाईलाई एकपटक भेट्नुस।’

पुष १५, २०७९ शुक्रबार १७:५०:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।