प्रचण्डकाे प्रधानमन्त्री निवास बालुवाटारकाे साँचो छाेरीकाे हातमा

काठमाडाैं। प्रधानमन्त्री पुष्पकमल दाहाल ‘प्रचण्ड’ बालुवाटारस्थित सरकारी निवासमा सरेका छन्। प्रचण्ड आज (बुधबार) साँझ बालुवाटारमा प्रवेश गरेपछि सहरी विकास मन्त्रालयका सचिव सुरेश आचार्यले निवासको साँचो भने प्रचण्ड पुत्री गंगा दाहाललाई हस्तान्तरण गरे।

सचिव आचार्यले सिधै प्रधानमन्त्रीलाई नै साँचो हस्तान्तरण गर्दा पदीय मर्यादा उल्लंघन हुने हुनाले परिवारका सदस्यलाई दिइएकाे बताइएकाे छ। प्रचण्ड ज्योतिषले निकालेको साइतअनुसार पूजापाठ गरेर बालुवाटारस्थित प्रधानमन्त्रीको सरकारी निवासमा प्रवेश गरेका हुन्।

आइतबार तेस्रो पटक प्रधानमन्त्रीमा नियुक्त भएका उनी ललितपुरको खुमलटारस्थित निजी निवासबाट सरकारी निवास सरेका हुन्। निवर्तमान प्रधानमन्त्री शेरबहादुर देउवा आजै बालुवाटार छाडेर धुम्बाराहीस्थित भाडाको घरमा सरिसकेका छन्।

पुष १३, २०७९ बुधबार १९:३३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।