सयौं टेष्ट म्याचमा दोहोरो शतक हान्दै वार्नरले बनाए कीर्तिमान
एजेन्सी। अष्ट्रेलियन टिमका ओपनर डेविड वार्नरले आफ्नो सयौं टेष्ट म्याचमा दोहोरो शतक प्रहार गैर्दै रेकर्ड बनाएका छन्। उनले दक्षिण अफ्रिकाविरुद्धकाे पहिलो टेस्ट म्याचमा सानदार दोहोरो शतक बनाएका हुन्।
आफ्नो टेस्ट करिअरको एक सयौं खेल खेलेका वार्नरले २ सय ५४ बलमा १६ चौका र २ छक्कासहित २ सय रन पूरा गरे। यसपछि खुट्टाकाे चाेटका कारण दोहारो शतक बनेसँगै उनी रिटायर्ड हर्ट आउट भएका थिए। उनले करिब तीन वर्षकाे खडेरीपछि याे शतक प्रहार गरेका हुन्।
डेभिड वार्नर टेष्ट क्रिकेट इतिहासमा १०० औं म्याचमा शतक प्रहार गर्ने १० औं खेलाडी बनेका छन्। साथै, १०० औं म्याचमा दाेहाेराे शतक प्रहार गर्ने उनी मात्र दाेस्राे खेलाडी हुन्। यसअघि इंग्ल्याण्डका खेलाडी जाे रुटले मात्र याे रेकर्ड बनाएका थिए।
पुष १२, २०७९ मंगलबार १२:३४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
