उकालोमा ट्र्याक्टर पछाडि सर्दा चालकसहित दुई जनाको मृत्यु
काठमाडौं: बझाङको छविस पाथीभेरा गाउँपालिका- ३ मा हिजो बेलुकी ट्र्याक्टर पल्टिँदा चालकसहित दुई जनाको मृत्यु भएको छ। मृत्यु हुनेमा चालक छविस पाथीभेरा गाउँपालिका- ५ का २८ वर्षीय मङ्गल धामी र ट्र्याक्टरमा सवार सोही ठाउँका २७ वर्षीय धनबहादुर ठगुन्ना रहेका छन्।
उनीहरूको घटनास्थलमै मृत्यु भएको हो। कुण्डाबाट झोलुङ्गे पुलको सामान लिएर थलारा गाउँ जाँदै गरेको से२त २३४३ नम्बरको ट्र्याक्टर हिजो बेलुकी साढे ७ बजे पल्टिएको थियो। ट्र्याक्टर उकालोमा पछाडितर्फ सरेर (ब्याक हुँदा) दुर्घटना भएको हो।
दुर्घटनामा धामी र ठगुन्ना उक्त ट्र्याक्टरले च्यापिएका थिए।
पुष १२, २०७९ मंगलबार १२:१४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
