सुनको मूल्य फेरि बढ्यो, तोलाको कति ?
काठमाडौं: नेपाली बजारमा आज सुनको मूल्य बढेको छ। यसअघि पनि निरन्तर उकालो लाग्दै आएको सुनको मूल्य आज तोलामा दुई सय रुपैयाँले बढेको हो।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य तोलामा एक लाख ७०० रुपैयाँ तोकिएको छ। यस्तै आज तेजाबी सुनको मूल्य तोलामा एक लाख २०० सय रुपैयाँ कायम छ।
त्यस्तै चाँदीको मूल्य भने आज स्थिर छ। अघिल्लो कारोबार मूल्यअनुसारै आज प्रतितोला रु एक हजार ३९० कायम रहेको महासङ्घले जनाएको छ।
महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ। हाल अन्तर्राष्ट्रिय बजारमा सुन प्रतिऔँस एक हजार ८०३.६९ डलर आसपासमा कारोबार भइरहेको छ।
पुष १२, २०७९ मंगलबार ११:५६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
