विश्वकपपछि पुरानै लयमा फर्कियाे प्रिमियर लिग, लिग लिडर आर्सनलको उत्कृष्ट पुनरागमन जित

एजेन्सी। कतार विश्वकप र जाडो सिजनको ब्रेकका कारण रोकिएको चर्चित फुटबल प्रतियोगिता, इंग्लिस प्रिमियर लिग (सोमबार) देखि पुन: सुरु भएकाे छ। फेरि सुरु भएकाे प्रिमियर लिगकाे पहिलाे दिनकाे खेलहरू नै निकै राेमाञ्चक बन्याे।

लिगको शीर्षस्थानमा रहेको आर्सनलले सानदार पुनरागमन गर्दै वेस्ट ह्याम युनाइटेडमाथि ३–१ को जित दर्ता गरायाे। घरेलु मैदान इमिरेट्स स्टेडियममा पहिलाे हाफमा १–० ले पछि परेको आर्सनलले दाेस्राे हाफमा तीन गाेल फर्कायाे।  

खेलको २७ औं मिनेटमा सेड बेनरहमाले पेनाल्टीमार्फत गोल गर्दै  वेस्ट ह्यामलाई १–० काे अग्रता दिलाएका थिए। तर दाेस्राे हाफमा बुकायो साका, गाब्रिएल मार्टिनेली र इडवार्ड एनकेइटाले एक एक गोल गर्दै आर्सनलको जित पक्का गरे।

याे जितपछि लिग लिडर आर्सनलले ७ अंकको अग्रता बनाएको छ। आर्सनलको १५ खेलबाट ४० अंक भएकाे छ। एक खेल बढी खेलेर दाेस्राे स्थानमा रहेकाे न्यूक्यासल युनाइटेडकाे १६ खेलमा ३३ अंक छ। त्यस्तै, मात्र १४ खेल खेलेकाे म्यानचेस्टर सिटीकाे भने ३२ अंक छ। सिटी लिगकाे तेस्राे स्थानमा छ।

पुष १२, २०७९ मंगलबार ११:३९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।