विश्वकप सकिएसँगै इंग्लिस प्रिमियर लिग सुरु हुँदै, आजै ७ खेल हुने
एजेन्सी। कतार विश्वकप र जाडाे सिजनकाे ब्रेकका कारण राेकिएकाे चर्चित फुटबल प्रतियाेगिता, इंग्लिस प्रिमियर लिग आज (सोमबार) देखि पुनः सुरु हुँदैछ। आज प्रिमियर लिगकाे १५औं चरणका खेलहरू सञ्चालन हुने तालिका छ।
आज हने सात खेलमध्ये नेपाली समयअनुसार साँझ ६:१५ बजे हुने खेलमा लिगकाे चाैथाे स्थानमा रहेकाे टोटेनहमले ब्रेन्टफर्डकाे सामना गर्नेछ। प्रिमियर लिग लिडर आर्सनलले राति १ः४५ बजे हुने खेलमा घरेलु मैदानमा वेस्ट ह्यामसँग प्रतिस्पर्धा गर्नेछ।
उता याे सिजन खराब फर्ममा रहेकाे लिभरपूलले एस्टन भिल्लासँग राति ११:१५ बजे खेल्दै । प्रिमियर लिगमा १४ खेलबाट ३७ अंकसहित आर्सनल पहिलाे स्थानमा छ। दाेस्राे स्थानमा रहेकाे म्यान्चेस्टर सिटीकाे समान खेलबाट ३२ अंक छ।
पुष ११, २०७९ सोमबार १२:३०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
