सुन तोलामा दुई सयले बढ्यो, कति पुग्यो मूल्य ?

काठमाडौं: नेपाली बजारमा आज सुनको मूल्य बढेको छ। आज सुन तोलामा दुई सय रुपैयाँले वृद्धि भएको हो।

शुक्रबार प्रतितोला रु एक लाख तीन सयमा कारोबार भएको छापावाल सुनको मूल्य आज प्रतितोला रु एक लाख पाँच सय तोकिएको छ।नेपाल सुनचाँदी व्यवसायी महासङ्घले सार्वजनिक गरेको विवरण अनुसार आज तेजाबी सुनको मूल्य प्रतितोला रु एक लाख कायम भएको छ।

त्यस्तै आज चाँदीको मूल्य अघिल्लो कारोबार मूल्यका तुलनामा स्थिर रहेको छ। आज चाँदी प्रतितोला रु एक हजार ३९० कायम रहेको महासङ्घले जनाएको छ।

महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ। हाल अन्तर्राष्ट्रिय बजारमा सुन प्रतिऔँस एक हजार ७९८.५८ अमेरिकन डलर आसपासमा कारोबार भइरहेको जनाइएको छ।

पुष १०, २०७९ आइतबार ११:५४:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।