सलमान खानकी भाञ्जी ओस्कार विजेता फिल्मको रिमेकबाट बलिउडमा डेब्यु गर्दै

एजेन्सी : बलिउडका चर्चित अभिनेता सलमान खानकी भान्जी आलिजेह अग्निहोत्री यतिबेला निकै चर्चामा छिन्। अलिजेह सलमानकी बहिनी अलविराकी छोरी हुन्।

अलिजेहले चाँडै नै बलिउडमा डेब्यु गर्ने खबर बाहिरिएको छ। अलिजेह अग्निहोत्रीले ओस्कार विजेता फिल्म ‘कोडा’ को हिन्दी रिमेकबाट डेब्यु गर्ने पिंकभिल्लाले जनाएको छ।

यसअघि अलिजेह अग्निहोत्री अर्को फिल्मबाट डेब्यु गर्न लागेकी थिइन्। तर अब त्यो फिल्म होल्डमा राखिएको छ, जसले गर्दा कोडामा काम सुरु गर्न लागेकी हुन्।

कोडा फ्रान्सेली–बेल्जियन फिल्म ला फामिले बेलियरको रिमेक हो। जुन १७ वर्षकी केटीको कथामा आधारित छ। यो फिल्ममा १७ वर्षीया युवती गायिका बन्न चाहन्छिन्। तर त्यो केटीको सम्पूर्ण परिवारले सुन्न सक्दैन, उनी मात्र सुन्न सक्ने हुन्छिन्।

अलिजेह नेशनल अवार्ड विजेता फिल्ममेकर निर्देशक सौमेन्द्र पाधीको फिल्मबाट बलिउडमा डेब्यु गर्न लागेकी छन्। यो फिल्मको हिन्दी रिमेकलाई विकास बहलले निर्देशन गर्दैछन्।

मिडिया रिपोर्टका अनुसार विकास बहलले स्क्रिप्टमा काम पूरा गरिसकेका छन् र अलिजेहका पिता अतुल अग्निहोत्रीले रिलायन्स इन्टरटेनमेन्टसँग मिलेर फिल्म निर्माण गर्न लागेका छन्।

चलचित्रको नाम भने फाइनल नभए पनि काम सुरु भएको छ। यो फिल्म २०२३ मा रिलिज हुनेछ।

पुष ९, २०७९ शनिबार २०:३६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।