दुई किलो युरेनियमजस्तो देखिने पदार्थसहित तीन जना पक्राउ
बारा : सशस्त्र प्रहरी बलले बारा जिल्लाबाट २ किलो युरेनियम जस्तो देखिने पदार्थ सहित ३ जनालाइ पक्राउ गरेको छ।
सशस्त्र प्रहरी बल इन्टेलिजेन्स ब्यूरोको विशेष सूचनाको आधारमा १२ नम्बर गण बारा मातहत सुरक्षा बेश जितपुरले उनीहरूलाई पक्राउ गरेको हो।
पक्राउ पर्नेमा जितपुर उपमहानगरपालिका–५ का अन्दाजी २९ वर्षीय रवि चौधरी, सोही ठाउँका ३० वर्षीय सागर चौधरी र माधवनारायण नगरपालिका–२रौतहटका २२ वर्षीय वृज सहनी छन्।
उनीहरूलाई सशस्त्र प्रहरी बलले जितपुरस्थित आदित्य होटलको कोठा नम्बर ४ बाट पक्राउ गरेको हो।
पक्राउ परेकाहरूलाई बरामद सामग्रीसहित थप अनुसन्धानका लागि सम्बन्धित निकायमा बुझाइएको छ।
पुष ९, २०७९ शनिबार १९:३८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
