बंगलादेशी ब्याट्सम्यानमाथि काेहलीकाे टिप्पणी- ‘कपडा खोल्देउ कपडा’ (भिडियो)
एजेन्सी : भारत र बंगलादेशबीच ढाकामा भइरहेको दोस्रो तथा अन्तिम टेस्ट रोमाञ्चक मोडमा पुगेको छ।
तेस्रो दिनको खेल सकिएपछि भारतलाई यो टेस्ट जित्न १०० रन चाहिएको थियो भने बंगलादेशलाई भारतबाट ६ विकेट चाहिएको थियो।
शनिबार तेस्रो दिनको खेलमा कुनै विकेट नगुमाई ७ रन अघि खेल्न सुरु गरेको बंगलादेशको टोली २ सय ३१ रनमा आउट भएको थियो।
जे होस्, यो टेस्ट म्याचमा अधिकांश समय भारत हावी भएको छ। यस खेलमा दुई टोलीबीच कयौंैपटक नोकझोकसमेत भएको देखियो।
यसैबीच शुक्रबार साँझदेखि सामाजिक सञ्जालमा एउटा भिडियो पनि भाइरल भइरहेको छ, जसमा भारतका पूर्व कप्तान विराट कोहली बंगलादेशका ओपनर नजमुल हुसेन शान्तोमाथि टिप्पणी गरिरहेको देखिन्छन्।
यस भिडियोमा कोहलीले शान्तोलाई लुगा फुकाल्ने इशारा गर्दै भनेका छन्, ‘कपडा निकाल्दो कपडा (कपडा खोल्देउ कपडा)’
यो भिडियो खेलको दोस्रो दिन अर्थात शुक्रबार साँझको हो।
बंगलादेशका ओपनरले भारतीय बलरहरूको सामना कम गर्न कहिले जुत्ताको तुना त कहिले आफ्नो प्याड मिलाएर समय कटाउने प्रयास गरिरहेका थिए। त्यहि विषयलाई लिएर विराटको यस्तो टिप्पणी आएको हो।
— Guess Karo (@KuchNahiUkhada) December 23, 2022
पुष ९, २०७९ शनिबार १९:१८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
