शनिबार १५ मंसिर, २०८१
घाँस काट्न जाँदा हसियाँले हानेर जेठाजुको हत्या, एक महिला पक्राउ
१ वर्ष अघि
झापा : जिल्लामा जेठाजुको हत्या अभियोगमा एक महिला पक्राउ परेकी छन्।
कन्काई नगरपालिका–४ बस्ने ५५ वर्षीय पदम लाल बास्तोलाको हत्या अभियोगमा ४८ वर्षीया रनमाया बास्तोलालाई शुक्रबार प्रहरीले पक्राउ गरेको हो।
शिबसताक्षी नगरपालिका–१० टेक्रास्थित माईखोलाको बगरको कासघाँरीमा बिहीबार पदम लाल बास्तोला मृत अवस्थामा फेला परेका थिए।
घटनाको अनुसन्धानको क्रममा रनमायाले बुधबार मृतकसँग घाँस काट्न गएको बेला हसियाँ प्रहार गरी हत्या गरेको खुल्न आएको हो।
घटनाबारे प्रहरीले थप अनुसन्धान गरिरहेको छ।
पुष ९, २०७९ शनिबार १६:०३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
