शनिबारको मौसम: वर्षा र हिमपातको सम्भावना
काठमाडौं: मौसम पूर्वानुमान महाशाखाले आज देशका विभिन्न स्थानमा वर्षा र हिमपातको सम्भावना रहेको जनाएको छ। हाल नेपालको मौसममा पश्चिमी न्यून चापीय प्रणालीको प्रभाव रहेको छ।
यतिबेला लुम्बिनी तथा सुदूरपश्चिम प्रदेश लगायत देशको पहाडी भू-भागमा आंशिकदेखि सामान्य बदली रही बाँकी भू-भागमा आंशिक बदली रहेको छ। तराईका थोरै भू-भागमा हुस्सु/ कुहिरो लागेको छ।
आज दिउँसो प्रदेश १, मधेश, बागमती र लुम्बिनी प्रदेशका एक वा दुई स्थानमा हल्का वर्षाको सम्भावना छ। देशका हिमाली भू-भागका थोरै स्थानमा हल्का हिमपातको सम्भावना छ।
आज राति प्रदेश १, गण्डकी र कर्णाली प्रदेशका हिमाली भू-भागका एक वा दुई स्थानमा हल्का हिमपातको सम्भावना छ।
पुष ९, २०७९ शनिबार ०७:१२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
