आईपीएल लिलामी : इंग्ल्याण्डका साम करण अहिलेसम्मकै महंगो खेलाडी
काठमाडौं : इंग्ल्याण्डका फास्ट बलर साम करण आगामी सिजनका लागि हुन लागेको इन्डियन प्रिमियर लिग (आईपीएल)को सबैभन्दा महंगो खेलाडी भएका छन्।
आगामी सिजनका लागि पञ्जाब किंग्सले साम करणलाई कीर्तिमानी रकम १८ करोड ५० लाख भारतीय रूपैयाँमा किनेको हो।
उत्कृष्ट अलराउन्डर उनी बायाँ हाते ब्याट्सम्यानका साथै मध्यम र द्रुत गतिमा बलिङ पनि गर्न सक्छन्। ६ टोलीले उनलाई आफ्नो टोलीमा समावेश गर्न चाहेको थियो।
अन्तिसम्म भने दुई टोलीले मात्र उनलाई आफ्नो पक्षमा ल्याउन खोजे पनि बाजी भने पञ्जाबले आफ्नो पक्षमा पारेको हो। उनलाई मुम्बई इन्डियन्सले पनि लिन खोजेको थियो।
उनले यसअघि दुई अन्य आईपीएल टोलीसँग खेलिसकेका छन् । उनले १४५ टी–२० खेलमा १७३१ रन र १४९ विकेट लिएर उत्कृष्ट प्रदर्शन गरेका छन्। उनको ब्याटिङ स्ट्राइक रेट १३६ रहेको छ।
पुष ८, २०७९ शुक्रबार १६:५८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
