रौतहटमा मोटरसाइकल दुर्घटना हुँदा एक जनाको मृत्यु, अर्का घाइते
काठमाडौं: रौतहटको गुजरा नगरपालिका- ९ अमतवामा गए राति मोटरसाइकल दुर्घटना हुँदा एक जनाको मृत्यु भएको छ। सोही दुर्घटनामा अर्का एक जना घाइते भएका छन्।
मृत्यु हुनेमा मोटरसाइकल चालक गुजरा- १ मनहर्वाका ३२ वर्षिय तुफानी माझी रहेका छन्। उनको उपचारको क्रममा चन्द्रपुर अस्पतालमा मृत्यु भएको हो।
सोही दुर्घटनामा मोटरसाइकलमा पछाडि सवार २० वर्षिय सजकी माझी घाइते भई सोही अस्पतालमा नै उपचार भइरहेको छ। गए राति साढे १ बजे तुफानीले चलाएको ना४०प ५०३० नम्बरको मोटरसाइकल आफैँ अनियन्त्रित भई सडकमा पल्टिएको प्रहरी चौकी सिमराभवानिपुरले जानकारी दिएको छ।
पुष ८, २०७९ शुक्रबार १३:२६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
