डिफेन्डिङ च्याम्पियन लिभरपुललाई हराउँदै म्यानचेस्टर सिटी इएफएल कपकाे क्वाटरफाइनलमा
एजेन्सी। म्यानचेस्टर सिटी इएफएल कप फुटबल प्रतियाेगिताकाे क्वाटरफाइनलमा प्रवेश गरेको छ। डिफेन्डिङ च्याम्पियन लिभरपुललाई ३-२ गाेल अन्तरले पराजित गर्दै सिटीले अन्तिम आठमा स्थान पक्का गरेकाे हाे।
दुई पटक खेललाई बराबरीमा लगेपनि लिभरपुलले म्यानचेस्टर सिटीसँगकाे हार भने टार्न सकेन। याे हारसँगै डिफेन्डिङ च्याम्पियन लिभरपुलकाे यात्रा समाप्त भएकाे छ भने क्वाटरफाइनलमा सिटीकाे भेट साउथह्याम्टनसँग हुनेछ।
घरेलु मैदान इतिहाद स्टेडियममा बिहीबार राति भएको खेलमा सिटीको जितमा एर्लिङ हालान्ड, रियाद महारेज र नाथन एकेले एक- एक गोल गरे। लिभरपुलका लागि फावियो कार्भालाे र मोहम्मद सलाहले गोल फर्काएका थिए।
पुष ८, २०७९ शुक्रबार ११:३३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
