यति र बुध्द एयरले गरे पोखरा अन्तर्राष्ट्रिय विमानस्थलमा पहिलाे पटक प्रदर्शन उडान
पाेखरा। पोखरा क्षेत्रीय अन्तर्राष्ट्रिय विमानस्थलमा आज (बिहीबार) गरिएकाे पहिलाे प्रदर्शन उडान सफल भएकाे छ। मुलुकको तेस्रो अन्तर्राष्ट्रिय विमानस्थलमा यति एयरलाइन्सले पहिलो प्रदर्शन उडान सफलतापूर्वक सम्पन्न गरेको हो।
यति एयरलाइन्सकाे विमानले दिउँसो २:१५ बजे पुरानो विमानस्थलबाट उडान गरेर पोखरा क्षेत्रीय अन्तर्राष्ट्रिय विमानस्थलमा २:२७ मा अवतरण गरेकाे प्रवक्ता सुदर्शन बर्तौलाले जानकारी गराए।
विमानका पाइटल प्रमोदराज गौतमले प्राविधिक रुपमा विमानस्थल अन्तर्राष्ट्रिय स्तरको भएको र अवतरण पनि सहज भएको बताए। यसपछि विमानस्थलमा बुध्द एयरले पनि दिउँसो ३:६ बजे सफल अवतरण गरेको थियाे।
विमानस्थल आगामी पुस १७ देखि सञ्चालनमा आउन लागेको छ।
पुष ७, २०७९ बिहीबार १७:३७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
