म्यानचेस्टर युनाइटेड इएफएल कपकाे क्वाटरफाइनलमा, आज राति म्यानचेस्टर सिटी र लिभरपुल भिड्दै
एजेन्सी। म्यानचेस्टर युनाइटेड इएफएल कप फुटबल प्रतियाेगितकाे क्वाटरफाइनलमा प्रवेश गरेको छ। दाेस्राे डिभिजनकाे क्लब बर्नलेलाई २-० ले हराउँदै प्रिमियर लिग क्लब युनाइटेडले अन्तिम आठमा स्थान सुरक्षित गरेकाे हाे।
घरेलु मैदान ओल्ड ट्राफोर्डमा बुधबार राति भएको खेलमा युनाइटेडको जितमा क्रिष्टियन एरिक्सन र मार्कस रासफर्डले एक- एका गोलकाे याेगदान गरे। एरिक्सनले खेलको २७औं मिनेटमा र रासफर्डले ५७औं मिनेटमा गाेल गरेका थिए।
प्रतियाेगितकाे अन्तिम प्रि- क्वाटरफाइनल खेलमा आज राति दुई प्रिमियर लिग क्लब म्यानचेस्टर सिटी र लिभरपुलबीच प्रतिस्पर्धा हुँदैछ।
पुष ७, २०७९ बिहीबार ११:४७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
