माइक्रोले ठक्कर दिँदा मोटरसाइकल चालकको मृत्यु, पछाडि बस्ने एक जना घाइते
काठमाडौं: धनुषाको सवैला नगरपालिका- १० सिमराढीमा हिजो बेलुकी माइक्रो बसको ठक्करबाट मोटरसाइकल चालकको मृत्यु भएको छ। सोही दुर्घटनामा पछाडि सवार अर्का एक जना घाइते भएका छन्।
मृत्यु हुनेमा धनुषाकै शहीदनगर नगरपालिका- ७ का २० वर्षीय अरुण मण्डल रहेका छन्। गम्भीर घाइते भएका मण्डलको उपचारको क्रममा प्रादेशिक अस्पताल जनकपुरमा मृत्यु भएको हो। मोटरसाइकलमा पछाडि सवार २५ वर्षीय ज्ञानी मण्डलको सोही अस्पतालमा उपचार भइरहेको छ।
यदुकुवाबाट सवैलातर्फ जाँदै गरेको ना१ज ८४४० नम्बरको माइक्रो बसले विपरीत दिशाबाट आउँदै गरेको ज११प ५४७३ नम्बरको मोटरसाइकललाई हिजो बेलुकी पौने ७ बजे ठक्कर दिएको हो।
ठक्कर दिने माइक्रो बससहित चालकलाई प्रहरी चौकी खरियानी धनुषाले नियन्त्रणमा लिएको छ।
पुष ७, २०७९ बिहीबार १०:३८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
