शनिबार १५ मंसिर, २०८१
खराब मौसमले गर्दा त्रिभुवन विमानस्थलबाट उडान हुन सकेन
१ वर्ष अघि
काठमाडौं: काठमाडौं उपत्यकामा आज बिहानैदेखि हुस्सु/कुहिरो लागेका कारण त्रिभुवन अन्तर्राष्ट्रिय विमानस्थलमा उडान प्रभावित भएको छ। काठमाडौंबाट हुँदै आएका बाह्य तथा आन्तरिक उडान बिहानैदेखि प्रभावित बनेका छन्।
विमानस्थलका महाप्रबन्धक प्रेमनाथ ठाकुरले बिहान केही विमान अवतरण हुन सके पनि त्यसपछि बाह्य र आन्तरिक उडान हुन नसकेको जानकारी दिए। “खराब मौसमका कारण केही विमानलाई डाइभर्ट गरिएको छ”, उनले भने।
मौसममा सुधार आएपछि नियमितरूपमा विमान उडान हुने महाप्रबन्धक ठाकुरले बताए।
पुष ७, २०७९ बिहीबार १०:३२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
