भूतको फिल्मको ट्रेलरमा बेनिशाको इरोटिक सिन किन राखियो ?

काठमाडौँ : बेनिशाले कन्ट्रोवर्सी पछ्याउने हो या कन्ट्रोवर्सीले बेनिशालाई यो कहिल्यै नसुल्झने रहस्य जस्तै भइसक्यो। कुनै विवाद आयो बेनिशा केही नभएजस्तै गरी मिडियामा आउँछिन्। तर पुन उहीँ काम दोहोराउँछिन्।

फिल्म ची मुसी ची कै ट्रेलर हेरौँ न। फिल्ममा उनको अभिनयलाई फोकस गरिएको छ कि अन्तरङ्ग दृश्य ट्रेलरै बोल्छ मज्जाले। त्यही ट्रेलरमा अन्तरङ्ग दृश्यलाई सामान्य रूपमा लिने प्रियङ्काको दृश्य गम्भीर देखाइएको छ।

अर्की अभिनेत्री ऋचा शर्माका सट पनि गम्भीरै देखिन्छ। हरर जनाराको फिल्म भनिएको यसको ट्रेलरमै बेनिशाको सिन चैँ अन्तरङ्ग दृश्य राखिएको छ।

ट्रेलर सर्प्राइज हैन भने गर्भपतन गरेर तुहाएको छोरीको आत्मामा आधारित फिल्म हो भन्ने देखिन्छ। यसमा बाल गीत ची मुसी चीको प्रयोग, लयमा बालिकाको स्वर अनि ट्रेलरको अन्त्यले यही देखाउँछ।

दर्शकलाई हरर फिल्मको ट्रेलर हेरेको आभास गराउन असफल भएको फिल्मले दर्शकलाई हलमा तर्साउँछ कि व्यापार देखेर निर्माण टिम तर्सिने हो त्यो त फिल्म रिलिज भएपछि नै खुलिहाल्छ।

सायद हरर फिल्मको ट्रेलरमै बेनिशाको अन्तरङ्ग दृ्ष्य राख्नुको कारण ट्रेलरकै माग हो बेनिशाको हैन भन्ने पनि फिल्मले पुष्टि गर्ला कि उहीँ
फिल्म ‘प्रेमगञ्ज’मा खुलेरै दिएको अन्तरङ्ग दृश्य झैँ मसलाका खातिर मात्र देखिने हो कुन्नि ! 

पुष ७, २०७९ बिहीबार ०१:०६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।