देउवा र प्रचण्ड माधव नेपाललाई भेट्न अस्पताल पुगे
काठमाडाैं। प्रधानमन्त्री शेरबहादुर देउवा र नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ माधवकुमार नेपाललाई भेट्न त्रिवि शिक्षण अस्पताल महाराजगञ्ज पुगेका छन्।
दुई शीर्ष नेताले बुधबार नेकपा (एकीकृत समाजवादी) का अध्यक्ष माधवकुमार नेपाललाई भेटेर उनकाे स्वास्थ्य अवस्थाबारे जानकारी लिएका हुन्।
निमोनिया देखिएपछि नेपाल मंगलबारदेखि त्रिवि शिक्षण अस्पताल महाराजगञ्जमा भर्ना भएका छन्। हाल उनकाे स्वास्थ्यमा सुधार आएको बताइएकाे छ।
नेता नेपाललाई अस्पतालका उपनिर्देशक डा. सन्तकुमार दासको नेतृत्वमा रहेको चिकित्सकको टोलीले उपचार गरिरहेको छ।
पुष ६, २०७९ बुधबार १६:३६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
