एनएसएलले एन्फालाई १७ करोड २१ लाख दिने
काठमाडौं : अखिल नेपाल फुटबल संघ (एन्फा)ले नेपाल सुपर लिग एनएसएल फुटबल आयोजनाबाट ८ वर्षमा १७ करोड २१ लाख रुपैयाँ पाउने भएको छ।
एनएसएल फुटबल आयोजनाको सबै अधिकार दिए वापत एन्फाले नेपाल स्पोर्ट्स एण्ड इभेन्ट म्यानेजमेन्ट प्रालिबाट ८ वर्षमा यो रकम पाउने भएको हो। नेपाल स्पोर्ट्स एण्ड इभेन्ट म्यानेजमेन्ट प्रालि एनएसएल फुटबलको आयोजक हो।
एन्फा र एनएसएल आयोजकबीच एक समारोहबीच यस सम्बन्धी सम्झौतामा हस्ताक्षर भएको छ। हस्ताक्षर समारोहमा नै पहिलो सिजनको १ करोड ५० लाख रूपैयाँको चेक एन्फालाई हस्तान्तरण भएको छ।
नेपाल स्पोर्ट्स एण्ड इभेन्ट म्यानेजमेन्ट प्रा.लिका अध्यक्ष आश्रयता कार्की चौधरीले एन्फाका महासचिव किरण राईलाई चेक हस्तान्तरण गरेकी हुन्।
पुष ५, २०७९ मंगलबार २१:३५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
