‘केजीएफ २’पछि सञ्जय दत्तले ‘बाहुबली’सँग स्क्रिन शेयर गर्ने

एजेन्सी : ‘केजीएफ २’मा दक्षिण भारतीय अभिनेता यशसँग देखिएका बलिउड अभिनेता सञ्जय दत्त छिट्टै बाहुबली फेम अभिनेता प्रभाससँग एउटै फिल्ममा देखिने भएका छन्।

मारुतीले निर्देशन गरेको फिल्ममा प्रभाससँगै सञ्जय दत्तलाई मुख्य भूमिकामा देखिन लागेको बलिउडहंगामाले जनाएको छ। अहिलेसम्म नायक र खलनायक दुवैको भूमिका निर्वाह गरेका सञ्जय यस फिल्ममा ‘हजुरबुवा’को भूमिकामा देखिनेछन्।

केजीएफमा अधीराको भूमिकाबाट दर्शकको मत जितेका सञ्जयले पहिलो पटक प्रभाससँग स्क्रिन सेयर गर्दैछन्। फिल्ममा सञ्जयसँगै अभिनेत्री जरिन वहाब पनि देखिनेछिन्। हरर कमेडी फिल्ममा सञ्जय र जरिन वहाब आफ्नो करियर भन्दा एकदमै फरक क्यारेक्टरमा देखिनेछन्।

रिपोर्टका अनुसार यो हरर कमेडीको कथा हजुरबुवा, हजुरआमा र नातीको वरिपरि घुम्नेछ। फिल्मको अहिले तेलुगु भाषामा छायांकन भइरहेको छ।

मारुतीले फिल्मको करिब एक हप्ताको छायांकन पूरा गरिसकेका छन्। प्रभास व्यस्त भएकाले फिल्मको छायांकन निरन्तर नहुने   पनि बताइएको छ। यस फिल्ममा प्रभाससँगै तीन नयाँ अभिनेत्री देखिनेछन्।

पुष ५, २०७९ मंगलबार १६:५३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।