मेस्सीलाई बधाई दिंदै पेलेले भने- अहिले पक्कै म्यारोडोना पनि मुस्कुराइरहेका छन्
एजेन्सी। विश्व फुटबलका महान् खेलाडी पेलेले विश्वकप जित्न सफल भएकाेमा अर्जेन्टिना र मेस्सीलाई बधाई दिएका छन्। बधाई दिने क्रममा उनले अर्जेन्टिनाका पूर्व स्टार खेलाडी डिएगो म्यारोडोनालाई पनि सम्झिए।
जटिल स्वास्थ्य अवस्थाका कारण गत तीन हप्तादेखि अस्पतालमा रहेका ८२ वर्षीय पेलेले अस्पतालबाट नै इन्स्टाग्राममा लेखेका छन्, ‘आज, सधैं जस्ताे फुटबलले भावुक रुपमा आफ्नो कथा लेखेकाे छ। विश्वकपका हकदार रहेका लियोनल मेस्सीले आफ्नो पहिलाे विश्वकप जितेका छन्।’
याे अवसरमा तीन पटक विश्वकप जित्ने विश्वका एक मात्र खेलाडी पेलेले दुई पटक अर्जेन्टिनालाई विश्वकपकाे उपाधि दिलाएका म्याराडाेनालाई स्मरण गर्दै भने, ‘अहिले डिएगो पनि पक्कै मुस्कुराइरहेका छन्।’
पेलेका राम्रा साथी समेत रहेका म्याराडाेनाकाे दुई वर्षअघि नै निधन भैसकेकाे छ।
पुष ४, २०७९ सोमबार १७:०४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
