प्रचण्ड भन्छन् - प्रधानमन्त्री बन्नका लागि सबै चिज दाउमा लगाउँदिन
काठमाडाैं। माओवादी केन्द्रका अध्यक्ष पुष्पकमल दाहाल (प्रचण्ड) ले प्रधानमन्त्री बन्नका लागि आफूले सबै चिज दाउमा नलगाउने बताएका छन्। सोमबार चितवनमा प्रेस सेन्टरले आयोजना गरेको कार्यक्रममा उनले याे कुरा उल्लेख गरेका हुन्।
कार्यक्रममा गठबन्धनकै सरकार बन्ने तर प्रधानमन्त्री को हुने भन्ने निश्चित नभएको बताउँदै उनले भने, ‘प्रधानमन्त्रीका बन्नका लागि सबै चिज दाउमा राख्ने काम मैले कहिले पनि गरेकाे छैन। यसपटक पनि प्रधानमन्त्रीका लागि सबै चिज दाउमा लगाउँदिन।’
उनले प्रधानमन्त्रीमा आफ्नो दाबेदारी भने स्वाभाविक भएको बताए। तर आफू प्रधानमन्त्री बन्नेबारे गठबन्धनको बैठकमा औपचारिक प्रस्ताव भने नराखेको उनले स्पष्ट पारे।
पुष ४, २०७९ सोमबार १३:१५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
