निजगढमा रोकिराखेको ट्रकमा मोटरसाइकल ठोकिँदा दुई जनाको घटनास्थलमै मृत्यु
काठमाडौं: बाराको निजगढ नगरपालिका- २ मा हिजो ट्रकमा मोटरसाइकल ठक्कर खादा दुई जनाको मृत्यु भएको छ। सोही दुर्घटनामा एक जना घाइते भएका छन्।
मृत्यु हुनेमा मोटरसाइकल चालक रौतहट गुजरा नगरपालिका सिम्रिकका २६ वर्षीय भुवन पहाडी र पछाडि सवार २७ वर्षीय रितबहादुर राई रहेका छन्। दुवैको घटनास्थलमा नै मृत्यु भएको हो।
सोही दुर्घटनामा मोटरसाइकलमा पछाडि सवार २४ वर्षीय सुशील माझी घाइते भएका छन्। उनको प्रसूति सामुदायिक अस्पताल निजगढमा उपचार भइरहेको छ।
हिजो बेलुकी ७ बजे प्रदेश २-०३-००१ख ४२२९ नम्बरको सडक छेउमा रोकिराखेको ट्रकमा पछाडिबाट प्रदेश २-०२-००९प ३९४३ नम्बरको मोटरसाइकल अनियन्त्रित भई ठक्कर खाएको हो। दुवै सवारी साधन र ट्रक चालकलाई नियन्त्रणमा लिएको ईलाका प्रहरी कार्यालय निजगढले जानकारी दिएको छ।
पुष ४, २०७९ सोमबार १०:१८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
