१०० वर्षको उमेरमा पनि दैनिक तीन घण्टा कसरत गर्छन् यी व्यक्ति

एजेन्सीः पहिलेका मानिसहरू सय वर्षसम्म बाँच्ने गर्थे। अहिलेको मानिसकाे औसत उमेर भने ७०-८० वर्षकाे मात्र छ। यसको मुख्य कारण पछिल्लो समयमा मानिसहरूमा जीवनशैलीमा आएको परिवर्तन र शारीरिक निष्क्रियता नै हो।
 

तर, यो युगमा पनि केही यस्ता मानिस छन्, जाे सय वर्षको उमेरसम्म बाँचिरहेका छन्। उनीहररूको राम्रो स्वास्थ्यको रहस्य भनेकाे स्वस्थ खानपान र जीवनशैली नै हो।

अमेरिकी नागरिक लेस सभिनो यसै वर्षकाे अगस्टमा सय वर्षको भए। यति लामो जीवन बिताएका लेसले लगभग ४० वर्षदेखि एकैखाले कसरत पछ्याइरहेका छन्।

उनी आफ्नो दीर्घायु र फिटनेसको श्रेय आफूले हप्ताको पाँच दिन गर्ने जिम वर्कआउटलाई दिन्छन्। सभिनो बिहान सबेरै उठ्छन्। यसपछि उनी तीन घण्टा (७ः३० देखि १०:३० सम्म) व्यायामका लागि जिममा बिताउँछन्।

उनले यो काम सन् १९८३ देखि नियमित गर्दै आएका छन्। उनी आफ्नो खानपानमा निकै सचेत छन्। उनको दैनिक आहार धेरै अनुशासित छ।

लेसलाई औषधि र चक्कीहरूमा भर पर्न मन पर्दैन। उनी धेरै तरकारी र समुद्री खाना खान मन पराउँछन्। भुटेको मसालेदार वस्तुहरू उनको खानामा समावेश हुँदैनन्।

उनी भन्छन्, ‘अहिले मलाई जिम जानै मन लाग्दैन किनभने म १०० वर्षको भैसकें। तर पनि जान्छु। मलाई थाहा छ, यदि म जीवनको आनन्द लिन चाहन्छु भने यो आवश्यक छ।’

‘१०० वर्ष पुगिसकेका अधिकांश मानिसहरू जीवनको आनन्द लिन सक्दैनन्। मेरो दिनहरू म 30 वर्षको हुँदा जस्तै सामान्य छ। औषधि भन्दा व्यायाम राम्रो छ। धेरै मानिसहरू चक्कीमा मात्र बाँच्छन्, तर म त्यस्ताे छैन। हो म उच्च रक्तचापको लागि चक्की खान्छु। तर यो मेरो सीमा हो।’, उनले थपे।

उनी सोमबारदेखि शुक्रबारसम्म जिममा कसरत गर्छन्। अन्य दिनमा उनी कार्डियोमा ध्यान दिन्छन्।

पुष ३, २०७९ आइतबार १५:३७:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।