शनिबार १५ मंसिर, २०८१
५० हजार फुत्काउन ९० वर्षीया महिलाको हत्या, एक पुरुष पक्राउ
१ वर्ष अघि
काठमाडौं : ९० वर्षाीया महिलाको हत्या अभियोगमा प्रहरीले एक पुरुषलाई पक्राउ गरेको छ।
तारकेश्वर नगरपालिका–६ पुशल बस्ने ९० वर्षीया डिल्ली पुतुवारको हत्या अभियोगमा सोही ठाउँ बस्ने ३९ वर्षीय नरेन्द्र शिवभक्तिलाई बिहीबार प्रहरीले पक्राउ गरेको हो।
सोही नगरपालिका–३ पारीवनपाखा सामुदायिक वनको खोल्सामा मंसिर २२ गते डिल्ली पुतुवारको शंकास्पद अवस्थामा शव फेला परेको थियो।
अनुसन्धानको क्रममा नरेन्द्रको संलग्नता देखिएपछि काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उनलाई पक्राउ गरेको हो।
राहत दिइरहेको ठाउँ चिसापानी चप्पल कारखानातर्फ लैजाने क्रममा नरेन्द्रले महिलाको साथमा रहेको पैसा लिने मनसायले उनलाई ढुंगाले हानेर हत्या गरेको प्रहरीको प्रारम्भिक अनुसन्धानले देखाएको छ।
साथै महिलाको साथमा रहेको करिब ५० हजार रूपैयाँ नगद लिएर शव खोल्सामा लुकाएर घर फर्केको खुल्न आएको छ।
पुष १, २०७९ शुक्रबार १६:५३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
