पशुपति र चन्द्रागिरी घुमेपछि प्रचण्ड भेट्न खुमलटार पुगे ओवरायका बाबुछोरा
काठमाडौं : भारतीय सिनेमाका चर्चित चरित्र अभिनेता सुरेश ओवराय र उनका छोरा नायक विवेक ओवरायले माओवादी केन्द्रका अध्यक्ष पुष्पकमल दाहाल ‘प्रचण्ड’सँग भेट गरेका छन्।
बिहीबार अध्यक्ष दाहालकै निवास खुमलटारमा भएको भेटमा नेपाल र भारतबीचको सम्बन्ध तथा कला संस्कृतिको विषयमा कुराकानी भएको दाहालको सचिवालयले जनाएको छ।
ओवराय आफ्नो परिवारसहित सात दिन नेपाल बस्नेछन्। उनीहरू आज विहानै पशुपतिनाथकाे दर्शन गरेर चन्द्रागिरी हिल्स पुगिसकेका छन्।
सगरमाथा बेसक्याम्प, पोखरा, लुम्बिनी लगायतका क्षेत्र पनि घुम्ने कार्यक्रम पनि ओवराय परिवारकाे छ।
मंसिर २९, २०७९ बिहीबार १८:३२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
