विवेक ओबराय लुम्बिनी, पोखरा घुम्ने, बञ्जी र प्याराग्लाइडिङ पनि गर्ने
काठमाडौं: बलिउड अभिनेता विवेक ओबराय बुधबार नेपाल आएका छन्। परिवारसहित नेपाल घुम्न आएका ओबराय यसबीच विभिन्न ठाउँ घुम्ने छन्।
उनी व्यवसायी पुनम यादवको निम्तोमा नेपाल आएका हुन्। उनी करिब १० दिन नेपालमा रहने बताइएको छ।
“पहिलोपटक नेपाल आएको हुँ, मेरो बुबाआमा धेरै पटक आइसक्नुभएको छ”, हिजो विमानस्थलमा सञ्चारकर्मीसँग कुरा गर्दै उनले भने।
नेपाल बसाइँका क्रममा पशुपतिनाथ दर्शनका साथै लुम्बिनी, पोखरालगायत ठाउँ घुम्ने कार्यक्रम रहेको बताइएको छ। यस्तै उनले प्याराग्लाइडिङ, बञ्जी जम्प जस्ता शाहसिक खेल खेल्नेछन्। यस्तै धौलागिरि हिमालको अवलोकनसँगै म्याग्दीको घोरेपानी क्षेत्र घुम्ने कार्यक्रम तय भएको छ।
मंसिर २९, २०७९ बिहीबार ११:०७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
