रिलिज हुनुअघि विवादमा फस्यो शाहरुख खानकाे 'पठान'

एजेन्सी : शाहरुख खानको बहुप्रतिक्षित फिल्म ‘पठान’ को पहिलो गीत ‘बेशरम रंग’ सार्वजनिक भएको छ। गीतमा दीपिका पादुकोण र शाहरुखको सेन्सुस स्टाइलले फ्यानलाई निकै लोभ्याएको छ।

तर ‘पठान’ को पहिलो गीत रिलिज हुनेबित्तिकै चोरीको आरोप लागृर विवादमा परेको छ। मिडिया रिपोर्टका अनुसार ‘पठान’ को यो गीतले गायक जैनको सुपरहिट गीत ‘माकेबा’को धुन चोरेको छ।

यति मात्र होइन, ट्विटरमा मानिसहरूले प्रमाणका रूपमा ‘बेशरम रंग’ र ‘मकिबा’ दुवै गीतको भिडियो क्लिप शेयर गरिरहेका छन्।

एक प्रयोगकर्ताले शाहरुख खानको फिल्म ‘पठान’ को गीतको बारेमा ट्विट गर्दै लेखेका छन्, ‘बेशरम रंग गीत सुन्ने बित्तिकै मलाई यो धुन पहिले कतै सुनेको अनुभूति भयो। बेशरम रंगको यो धुन जैनको हो। गीत माकिबा।’

शाहरुख खान स्टारर फिल्म ‘पठान’ को पहिलो गीत ‘बेशराम रंग’को शब्द कुमारले लेखेका छन् भने शिल्पा राव, कारलिसा मोन्टेइरो र विशाल शेखरले गाएका छन्। विशाल ददलानीको शब्द रहेको यस गीतमा विशाल र शेखरको संगीत रहेको छ।

यो गीत १२ डिसेम्बरमा वाईआरएफको युट्युब च्यानलमा रिलिज भएको थियो, जुन युट्युबमा ट्रेन्डिङ नम्बर ४ मा छ। गीतलाई अहिलेसम्म ३ करोड ३० लाखभन्दा बढीले हेरेका छन्।

सिद्धार्थ आनन्दद्वारा निर्देशित शाहरुख खानको यो फिल्म २५ जनवरीमा बक्स अफिसमा रिलिज हुँदैछ। यो फिल्ममार्फत शाहरुख पाँच वर्षपछि ठूलो पर्दामा फर्कने भएका छन्।

फिल्ममा शाहरुखसँगै अभिनेत्री दीपिका पादुकोण र जोन अब्राहम पनि मुख्य भूमिकामा देखिनेछन्।

मंसिर २८, २०७९ बुधबार १२:०१:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।