दीपिका पादुकोण ‘सिंघम ३’मा महिला प्रहरीको भूमिकामा देखिने पक्का

काठमाडौं : बलिउडको चर्चित फ्रेन्चाइजी ‘सिंघम ३’मा दीपिका पादुकोण महिला प्रहरीको भूमिकामा देखिने भएकी छन्।

रोहित शेट्टीको फिल्म ‘सर्कस’को गीत लन्चिङ कार्यक्रममा उनले ‘सिंघम ३’मा दीपिका पादुकोण महिला प्रहरीको भूमिकामा देखिने बताएका हुन्।

उनले भने, ‘हामी सिंघम नेक्स्ट बनाइरहेका छौं। सबैले मलाई यसमा लेडी कप को हुनेछ भनेर सोधिरहेका छन्, त्यसैले आज म दीपिका पादुकोण लेडी सिङ्घम हुने कुरा पुष्टि गर्छु।’

फिल्मको छायांकन अर्को वर्षदेखि सुरु हुँदैछ।

‘सिंघम ३’मा अजय देवगनको मुख्य भूमिका हुनेछ। सिंघमबाट रोहित शेट्टीको कप युनिभर्स सुरू भएको थियो। यसपछि रोहित शेट्टीले सिंघम २, सिम्बा र सूर्यवंशी जस्ता धनसु कोप युनिभर्स फिल्म दिए।

अजय देवगन, अक्षय कुमार र दीपिका पादुकोणका पति रणवीर सिंह यसअघि रोहित शेट्टीको कप युनिभर्समा सामेल भइसकेका छन्।

यस्तो अवस्थामा रणवीर सिंह पनि यो घोषणामा खुसी व्यक्त गरेका छन्। 

उनले भने, ‘चेन्नई एक्सप्रेसमा मीनम्माको भूमिकामा दीपिकाको उत्कृष्ट अभिनय थियो। उनले धेरै राम्रा फिल्म गरेकी छन्, तर यो एक विशेष हुनेछ।’

मंसिर २३, २०७९ शुक्रबार १८:४१:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।