दक्षिण भारतीय अभिनेता रवि तेजाले आफ्ना म्यानेजरलाई कार उपहार दिए

एजेन्सी: दक्षिण भारतीय चलचित्रका सुपरस्टार कलाकार हुन् रवि तेजा। उनी अभिनित फिल्मको छुट्टै क्रेज छ दक्षिण भारतीय सिने क्षेत्रमा। पछिल्लो समय त नेपालमा पनि युट्युबमार्फत उनको फ्यान थुप्रै थपिएका छन्।

उनै रवि तेजाले हालै आफ्ना म्यानेजरलाई कार उपहार दिएका छन्। आफूसँग लामो समयदेखि सँगै काम गरेकाले रविले कार उपहार दिएका हुन्। जुन निकै महँगो छ। त्यसलाई भारतमै २२ लाख भारु पर्छ।

ती म्यानेजरले पनि कार पाएपछि सबैभन्दा पहिला रवि तेजालाई नै राखेर आफ्नो घर लगेका थिए। ती म्यानेजर रविका मेकअप म्यान पनि हुन्।

दक्षिण भारतीय कलाकारहरू आफ्ना ट्रेनर र म्यानेजरलाई उपहार र अन्य सहयोग दिने गर्छन्। यसअघि प्रभासले आफ्ना जिम ट्रेनरलाई कार उपहार दिएका थिए भने अल्लु अर्जुनले आफ्ना ड्राइभरलाई घर बनाउन आर्थिक सहयोग गरेका थिए। यस्तै कमल हसन, महेश बाबु लगायतका कलाकारले पनि आफ्ना निर्देशकलाई उपहार दिएका थिए।

मंसिर २२, २०७९ बिहीबार १०:५५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।