‘सिंघम अगेन’मा देखिँदै अजय, नायिका खोज्दै रोहित शेट्टी

एजेन्सी : बलिउड अभिनेता अजय देवगन निर्देशक रोहित शेट्टीको ‘सिंघम अगेन’ मा देखिने भएका छन्।

बलिउडलाइफका अनुसार अजय र रोहितले आफ्नो फिल्म ‘सिंघम’ को तेस्रो भागका फेरि सहकार्य गर्ने भएका हुन्। रोहितद्वारा निर्देशित सिंघम फ्रेन्चाइजीको तेस्रो भागको नाम ‘सिंघम अगेन’ राखिएको छ।

अजय यतिबेला फिल्म ‘भोला’मा व्यस्त छन्। सुपरस्टार तमिल फिल्म ‘कैथी’को रिमेक ‘भोला’मा अजयको अभिनय सँगसँगै निर्देशन पनि गर्दैछन्। यसपछि मात्र फिल्म ‘सिंघम अगेन’ को छायांकन हुनेछ।

‘सिंघम’ सन् २०११ मा प्रदर्शन भएको थियो। फिल्ममा अजयसँगै काजल अग्रवालको मुख्य भूमिका थियो। सन् २०१४ मा ‘सिंघम रिटर्न्स’मा अजयसँगै करिना कपूर खान देखिएकी थिइन्।

‘सिंघम अगेनमा’ अजयको अपोजिटमा रहने नायिकाको विषयमा अहिलेसम्म फाइनल नभइसकेको समाचारमा उल्लेख छ।

मंसिर १७, २०७९ शनिबार १५:५१:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।