चर्चित बलिउड गायक जुबिन नौटियालको करङ र कुहिनो भाँचियाे
काठमाडौं : चर्चित बलिउड गायक जुबिन नौटियालको करङ र कुहिनो भाँचिएटियालको करङ र कुहिनो भाँचिएको छ।
बिहीबार बिहान सिँढीबाट खसेर गम्भीर घाइते भएका उनको करङ र कुहिनो भाँचिएको बलिउडहंगामाले लेखेको छ।
दुर्घटनापछि तत्कालै मुम्बईको अस्पतालमा भर्ना भएका उनको बिहीबार राति नै दाहिने कुहिनोको शल्यक्रिया गरिएको हो।
चिकित्सकले उनलाई दाहिने हात प्रयोग नगर्न सल्लाह दिएका छन्।
जुबिन नौटियाल बलिउडका चर्चित र युवाहरूमाझ सबैभन्दा मन पर्ने गायक हुन्। दुर्घटनाको खबर आएपछि फ्यानहरूले उनलाई शिघ्र स्वास्थ्य लाभको कामना गरिरहेका छन्।
जुबिन नौटियाल पछिल्लो समय ‘तू सामने आये’, ‘माणिकी’, ‘बना शराबी’ जस्ता लोकप्रिय ट्रेडिङ गीतका कारण चर्चामा छन्।
मंसिर १६, २०७९ शुक्रबार २१:२८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
