नेपाल टी–ट्वेन्टीको खेलतालिका सार्वजनिक, फाइनल पुस १६ गते
काठमाडौं : नेपाल क्रिकेट संघ (क्यान)ले पहिलोपटक आयोजना गर्न लागेको फ्रेन्चाइजी प्रतियोगिता नेपाल टी–ट्वेन्टी लिगको खेलतालिका सार्वजनिक गरेको छ।
शुक्रबार सार्वजनिक गरिएको तालिकअुनसार मंसिर २६ गते उद्घाटनको दिन नै दुई खेल हुनेछन्। यसदिन काठमाडौं गोर्खाज र पोखरा एभेर्जस तथा लुम्बिनी अल स्टार्स र फार वेस्ट युनाइटेड प्रतिस्पर्धा गर्नेछन्।
त्रिवि क्रिकेट मैदानमा हुने प्रतियोगिताको फाइनल खेल पुस १६ गते हुनेछ। यसअघि कात्तिकमा हुने भनिएको प्रतियोगिता गृहमन्त्रालयले सुरक्षा दिन नसक्ने भनेपछि सारिएको थियो।
मंसिर २, २०७९ शुक्रबार २१:३३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
