सलमान खान र शाहरुख खान दुई फिल्ममा एकसाथ देखिँदै

एजेन्सी : बलिउडका चर्चित अभिनेताहरू सलमान खान र शाहरुख खान एकैपटक दुई फिल्ममा साथ देखिने भएका छन्।

वास्तवमा, अहिले शाहरुख खान आफ्नो आगामी फिल्म ‘पठान’लाई लिएर चर्चामा छन्। योसँगै सलमान खान पनि आफ्नो प्रतिक्षित फिल्म ‘टाइगर ३’ को लागि चर्चामा छन्, दुवै फिल्मलाई फ्यानहरूले उत्सुकताका साथ पर्खिरहेका छन्।

यसैबीच, सलमानको फिल्म ‘टाइगर ३’ मा शाहरुख खानको इन्ड्री फ्यानका लागि ठूलो ट्रिट हो। भारतको सबैभन्दा ठूलो प्रोडक्सन हाउस यशराज फिल्म्सका प्रमुख आदित्य चोपडाले आफ्नो स्पाइ युनिभर्सको अवधारणाको साथ सबैभन्दा ठूलो भारतीय फ्रेन्चाइजी निर्माण गर्दैछन्।

यी तीन फिल्म ‘पठान’, ‘टाइगर’ र ‘वार’ स्पाइ युनिभर्सका तीन महत्त्वपूर्ण अंग भएको समाचारमा उल्लेख छ। यस्तो अवस्थामा सलमान खान ‘पठान’ मा ‘टाइगर’को भूमिकामा देखिने पक्का भएको छ भने ‘पिंकभिल्ला’को रिपोर्ट अनुसार शाहरुख खान पनि ‘टाइगर ३’मा गजबसँग देखिनेछन्।

उच्च स्रोतलाई उद्धृत गर्दै पिंकभिल्लाले आफ्नो रिपोर्टमा ‘पठान’ रिलिज भएको केही समयपछि शाहरुख खान ‘टाइगर ३’ को सुटिङ गर्ने उल्लेख गरेको छ। सलमान खान ‘पठान’मा देखिने भएपछि अब ‘टाइगर ३’ मा शाहरुख पनि देखिनेछन्।

कात्तिक २३, २०७९ बुधबार १०:३६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।