नेपालमा रिलिजै नभएको हिन्दी फिल्म हेरे सय रुपैयाँ छुट दिँदै खल्ती एप

काठमाडौँ : खल्ती एपले नेपालमा रिलिजै नभएको हिन्दी फिल्मको टिकट काट्दा सय रुपैंया फिर्ता पाउने अनौठो स्किम ल्याएको छ। अक्षय कुमारको अभिनय रहेको फिल्म 'रामसेतु' नेपालमा रिलिजै भएको छैन। तर उसले शुक्रवार फेसबुकमा तीन वटा फिल्मको पोस्टर राख्दै खल्तीबाट टिकट किने सय रुपैंया फिर्ता पाउने उल्लेख गरेको छ।

उसले शुक्रवार सार्वजनिक गरेको स्किममा सिनेमा कोड राखेर टिकट किन्दा सय रुपैयाँ फिर्ता आउने उल्लेख छ। उसले भारतीय फिल्म राम सेतुलाई प्राथमिकता दिएको छ पोस्टरमा। तर नेपालमा सो फिल्म रिलिज भएकै छैन। अन्य २ फिल्ममा नेपाली फिल्म लाखे अनि कमेडी हरर फिल्म फोन भूत रहेको छ।

पछिल्लो समय फिल्मका दर्शकलाई डिजिटल भुक्तानीको बानी पार्न विभिन्न डिजिटल पेमेन्ट कम्पनीहरूले नगद छुटको योजनाहरू ल्याउने गरेका छन्। त्यसमा बढी हिन्दी फिल्मले प्राथमिकता पाउने गरेको देखिन्छ।

कात्तिक १८, २०७९ शुक्रबार १५:३४:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।